पोखरा

कास्की प्रहरीले अवैध लागु औषधसहित एक व्यक्तिलाई पक्राउ गरेको छ।
कास्कीको मादी गाउँपालिका वडा नं -३ घर भइ हाल पोखरा महानगरपालिका -११ रानीपौवा बस्दै आएका २५ वर्षीय राजेन्द्र परियारलाई प्रहरीले लागु औषध सहित पक्राउ गरेको हो।

विशेष सूचनाका आधारमा जिल्ला प्रहरी कार्यालयबाट खटिएको प्रहरीको टोलीले परियारलाई शंका लागि चेक जाँच गर्ने क्रममा उनको साथबाट लागु औषध फेनारागन ४५ एम्पुल, डाइजेपाम ४५ एम्पुल र नुर्फिन ४५ एम्पुल गरी जम्मा १३५ एम्पुल लागु औषध वरामद गरेको हो।
पक्राउ परेका उनीमाथि लागु औषध सम्बन्धी कसुर अन्तर्गत अनुसन्धान भैरहेको प्रहरीले जनाएको छ।