पोखरा

बन्दिपुरमा चितुवाको आक्रमणबाट दुई जना घाइते भएका छन् । घाइते हुनेमा एक जना युवक र बालिका रहेका छन् ।बन्दिपुर गाउँपालिकामा–१ बागदलेमा आइतबार बिहान २:३० बजे चितुवाको आक्रमणबाट ३५ वर्षीय भीमलाल गरञ्जा घाइते भएका बन्दिपर–१ का वडाध्यक्ष शिवकुमार श्रेष्ठले बताए ।

चितुवाको आक्रमणबाट खुट्टामा चोट लागेका गरञ्जाको डुम्रेस्थित मोती मेडिकलमा उपचार गरिएको छ ।यस्तै, गरञ्जाको घरभन्दा करिब २५० मिटर पर शनिबार राति ८:३० बजे चितुवाकै आक्रमणबाट बन्दिपुर–४ की ८ वर्षीया रियाना थापा पनि घाइते भएकी थिइन् ।