पोखरामा स्कुटर दुर्घटना हुँदा एकको मृत्यु
पोखरा
पोखराको फुलबारीमा स्कुटर अनियन्त्रित भएर दुर्घटना हुँदा एक युवकको मृत्यु भएको छ ।
शुक्रबार बिहान अन्दाजी ७ बजेको समयमा पोखरा महानगरपालिका-११ फुलबारीमा स्कुटर दुर्घटनाग्रस्त हुँदा भोजपुरको रामप्रसाद गाउँपालिका-८ वार्षिखोडा स्थायी घर भएका राजकुमार राईको मृत्यु भएको हो ।
३० वर्षीय राई हाल पोखरा-११ रानीपौवामा बस्दै आएका थिए । दुर्घटनाको कारण नखुलिसके पनि स्कुटर आफै अनियन्त्रित भएर दुर्घटना भएको प्रहरीले जनाएको छ ।
घटनामा घाइते राईलाई उपचारका लागि पश्चिमाञ्चल क्षेत्रीय अस्पताल पुर्याइएकोमा अस्पतालमै मृत घोषित गरिएको जनाइएको छ । घटनाका विषयमा थप अनुसन्धान भइरहेको पनि प्रहरीले बताएको छ ।
Pokharanews बाट साभार
