पोखरा

जिल्ला प्रशासन कार्यालय कास्कीले फागुपूर्णिमामा अराजक र उच्छृङ्खल गतिविधि नगर्न आग्रह गरेको छ ।  यदि कसैले गरेको पाइएमा कानून बमोजिम कार्वाही हुने प्रशासनले चेतावनी दिएको छ । 

प्रशासनले आज एक सूचना प्रकाशित गर्दै फागुपूर्णिमा पर्व एकअर्कामा खुशी साटासाट गर्ने पर्व भएको उल्लेख गरेको छ ।  यस्तो पर्वमा कसैको इच्छा विपरित जथाभावी रंग दल्ने, लोला हान्ने, बाटो ढुकेर रंग दल्ने र सवारी साधनबाट रकम अशुल्ने कार्य गरिए कार्वाही हुने प्रशासनले जनएको छ ।