हालसम्म डेंगी सङ्क्रमणबाट २१ जनाको मृत्यु
पोखरा
नेपालमा हालसम्म डेंगी सङ्क्रमणबाट २१ जनाको मृत्यु भएको छ ।
हालसम्म सङ्क्रमितको संख्या १७ हजार ४९४ पुगेको इपिडिमियोलोजी तथा रोग नियन्त्रण महाशाखाले जनाएको छ सबैभन्दा धेरै ललितपुरमा चार हजार ८७८ जनामा संक्रमण पुष्टि भएको छ ।
त्यस्तै, काठमाडौंमा चार हजार ६७४, भक्तपुरमा ७१३ गरी उपत्यकामा डेंगी सङ्क्रमितको संख्या १० हजार २६५ पुगेको छ । उपत्यकाबाहिर मकवानपुरमा सबैभन्दा धेरै एक हजार ६१० जनामा संक्रमण देखिएको छ ।
डेंगीबाट जोगिने लामखुट्टेको टोकाइबाट बच्नु नै भएकाले आफ्नो वासस्थान वरपरको वातावरण सफा राख्न, पानी जम्न नदिन र व्यक्तिगत सतर्कता अपनाउन विज्ञहरूले सुझाव दिएका छन् ।