पोखरा

सेक्सोफोन बाजालाई नेपाली संगीतको वाद्यवाधनमा स्थापित गर्ने वरिष्ठ संगीतकर्मी शुभबहादुर सुनामको सोमबार बिहान ५ बजे ७४ वर्षको उमेरमा निधन भएको छ। मृर्गौला रोगबाट पीडित सुनामको उपचारका क्रममा छाउनीस्थित वीरेन्द्र सैनिक अस्पतालमा निधन भएको हो।

दाहसंस्कारका लागि सुनामको पार्थिव शरिरलाई पशुपति आर्यघाटमा लगिएको छ। सैनिक सलामीसहित उनलाई अन्तिम श्रद्धाञ्जली दिइने भएको छ। संगीतकार संघका पदाधिकारीसहित फिल्म र संगीतकर्मी पनि आर्यघाटमा उपस्थित भएका छन्।

सुनामले ११ वर्षको उमेरदेखि नै नेपाली सेनाको ब्वाइज दर्जामा जागिर सुरु गरेर जर्नेलसम्म भएका थिए। उनले ७७५ भन्दा बढी गीतमा संगीत भरेका छन्।