पोखरा

नेपाली कांग्रेसले पार्टीका पूर्वकेन्द्रीय सदस्य, सांसद एवम् समाजवादी चिन्तक प्रदीप गिरिको स्वर्गारोहणको तेह्रौँ दिनको अवसरमा राष्ट्रिय सभा गृहमा स्मृतिमा शोक सभा आयोजना गरेको छ ।

कांग्रेस केन्द्रीय कार्यालयका सचिव प्रदीप पराजुलीले सांसद गिरीको १३औँ दिनको तिथिको अवसरमा शोक सभा आयोजना गरिएको जानकारी दिए ।

सभामा पार्टी सभापति एवम् प्रधानमन्त्री शेरबहादुर देउवासहित नेताहरू सहभागी हुने कार्यक्रम छ । घाँटीको क्यान्सरबाट पीडित नेता गिरिको मेडिसिटी अस्पतालमा उपचारको क्रममा साउन ४ गते राति निधन भएको थियो । ५ साउनमा पशुपति आर्यघाटमा राजकीय सम्मानसहित उनको अन्तिम संस्कार गरिएको थियो ।