पछिल्लो २४ घन्टामा थप ८५२ जनामा कोरोना पुष्टि
पोखरा
पछिल्लो २४ घन्टामा देशभरका थप ८५२ जनामा कोरोना पुष्टि भएको छ।
स्वास्थ्य तथा जनसँख्या मन्त्रालयको कोभिड -१९ सम्बन्धी अपडेट अनुसार ३८७६ पिसिआर र २५०७ एन्टिजेन गरी कूल ६३८३ जनामा गरिएको परीक्षणमा उक्त संख्याका मानिसको रिपोर्ट कोरोना पोजेटिभ आएको हो।
यस्तै, पछिल्लो २४ घण्टामा देशभरबाट ३२८ जना संक्रमणमुक्त भएका छन्। भने, सोही अवधिमा १ लाख ८९ हजार ७६७ जनाले कोरोना विरुद्धको खोप लगाएका छन्। हाल देशभर कोरोना सक्रिय संक्रमितको संख्या ५४६२ रहेको मन्त्रालयले जनाएको छ।