पोखरा

पोखरा महानगरको आयोजनामा आज पोखरामा मेयर सम्मेलन हुँदैछ । ६ वटै महानगरका मेयर, उपमेयर र प्रमुख प्रशासकीय अधिकृतहरु भेला हुने सम्मेलनमा महानगरहरुले गरेका कामको अनुभव आदानप्रदान हुनेछ ।

यस्तै, कानुनी अड्चनका विषयमा पनि कुरा गरिने मेयर धनराज आचार्यले बताए। उनले महानगरको छुट्टै सञ्चालन ऐन बनाउनका लागि पनि साझा धारणा खोज्ने बताए । महानगरको छुट्टै सञ्चालन ऐनबारे यसअघि पनि छलफल गएको थियो तर कार्यान्वयन भएन।

मेयरहरूले महानगर सुधारको साझा धारणा तय गर्ने र उक्त धारणा एकमुष्ट रुपमा प्रदेश र संघ सरकारमा बुझाउने तयारी छ।