काठमाडौँको मेयरमा स्वतन्त्र उम्मेदवार बालेन र उपमेयरमा सुनिताको जित सुनिश्चित
पोखरा
काठमाडौँ महानगरपालिकाको मेयरमा स्वतन्त्र उम्मेदवार बालेन साहको जित सुनिश्चित भएको छ ।
ठूला दलका बलिया उम्मेदवारलाई पछि पार्दै साहले जित सुनिश्चित गरेका हुन् । अब गणना हुन बाँकी मत भन्दा साहको मतान्तर धेरै छ । बिहान ११ बजेको अपडेट अनुसार बालेनले ५७ हजार ४४७ मत पाउँदा गठबन्धनबाट उम्मेदवार बनेकी कांग्रेसकी सिर्जना सिंहले ३५ हजार ३७१ मत ल्याएर पछ्याइरहेको छिन्।
साह र सिंहबिचको मतान्तर २१ हजार १२१ छ । नेकपा एमालेका उम्मेदवार केशव स्थापित तेस्रो स्थानमा अडिएका छन् । उपमेयरमा भने एमालेबाट उम्मेदवार बनेकी सुनिता डङ्गोल निर्वाचित हुने पक्का भएको छ । उनले सबैभन्दा धेरै मत पाएकी छन् । कूल १ लाख ९१ हजार १२५ मतमध्ये १ लाख ७१ हजार ८०२ मत गणना भइसकेको छ । अहिले १९ हजार ३२३ मत गणना भइरहेको छ।
