पोखरा

काठमाडौँ महानगरपालिकामा स्वतन्त्र उम्मेदवार बालेन शाहले फराकिलो मतान्तरले अग्रता कायमै राखेका छन् ।

आइतबार अपरान्ह सम्म १ लाख १६ हजार ८ सय ८५ मत गणना हुँदा शाहले ४१ हजार २ सय ७९ मत पाएका छन् । उनले दोस्रो स्थानमा रहेकी नेपाली कांग्रेसकी उम्मेदवार सिर्जना सिंहलाई १७ हजार ४ सय २४ मतले पछि पारेका छन् ।

सिंहले २३ हजार ८५५ मत पाएकी छन् । यस्तै नेकपा एमालेका उम्मेदवार केशव स्थापितले २३ हजार २४ मत पाएका छन् । स्थापित सिंहभन्दा ८३१ मतले पछि छन् ।