पोखरा

मंगलबार राति कास्की अदालतको १ नम्बर र ६ नम्बर इजलास कक्षमा भएको तोडफोडमा संलग्न रहेको अभियोगमा पोखरा -१५ टुटुङ्गाका २७ वर्षीय ‘दावा’ भनिने अर्जुन परियार पक्राउ परेको कास्की प्रहरी प्रवक्ता, डिएसपी सुन्दर तिवारीले जानकारी दिनुभयो।

परियारले इजलास भित्र बरामद गरी डिस्पोज गर्न राखिएका लागूऔषध चोर्ने उद्देश्यले इजलास तोडफोड गरेको बताएको डिएसपी तिवारीले बताउनुभयो । परियार यस अगाडि पनि पटक-पटक आपराधिक कार्यमा संलग्न रहेको पाइएको छ।

उनीमाथि आवश्यक अनुसन्धान भइरहेको डिएसपी तिवारीले जानकारी दिनुभयो।