हिउँ खेल्न गएका गोरखाका दुई जना किशोर पाँच दिनदेखि बेपत्ता
पोखरा
हिउँ खेल्न गएका गोरखा बारपाकका दुई जना किशोर पाँच दिनदेखि बेपत्ता रहेका छन् ।
बारपाक सुलिकोट गाउँपालिका वडा नम्वर १ का साइला घले र वडा नम्वर २ का करन घले गत बिहीबारदेखि सम्पर्कमा नआएको प्रहरीले जनाएको छ । प्रहरीका अनुसार उनीहरु दुवै १६ वर्षका हुन् ।
उनीहरु हिउँ खेल्न भन्दै गत बिहीबार लाप्राक गएका थिए । प्रहरीका अनुसार उनीहरु दुवै १६ वर्षका हुन् । खाना खाएर घरबाट निस्किएका उनीहरु त्यस यता सम्पर्कमा आएका छैनन् ।
छोरा हराएको भन्दै परिवारले माघ २३ गते बारपाक प्रहरी चौकीमा जानकारी गराएका थिए । बेपत्ता किशोरहरुको खोजी तिब्र बनाइएको प्रहरीले बताएको छ ।
