पोखरा

सिरहाको लहान नगरपालिका–१ बाट औषधीजन्य लागुऔषधसहित प्रहरीले एक जनालाई पक्राउ गरेको छ ।

प्रहरीका अनुसार पक्राउ पर्नेमा नवराजपुर गाउँपालिका–५ सिरहाका २६ वर्षीय प्रभुनारायण सिंह रहेका छन् ।

सिंहको साथबाट प्रहरीले ४ हजार ७ सय ४० थान नाइट्राभेट ट्याब्लेट, १९४ एम्पुल डाइजेपाम, १९४ एम्पुल फेनारगन, ७ बोतल डाइलेक्स डिसी र नाम लेबल नभएको १९४ एम्पुल लागुऔषध बरामद गरेको छ ।

जिल्ला प्रहरी कार्यालय सिरहाका डीएसपी सुवास बुढाथोकीका अनुसार को २६ प १८९ नम्बरको मोटरसाइकलमा सवार सिंहलाई आईतबार राति पक्राउ गरिएको हो ।

अहिले उनीमाथि थप अनुसन्धान भइरहेको प्रहरीले जनाएको छ ।