पोखरा

गण्डकी प्रदेश सरकारको ५० लाख र वडा नं ४ को २५ लाखको सहयोगमा विन्ध्यवासिनी प्राकृतिक चिकित्सालय निर्माण सुरु भएको छ ।विन्ध्यावासिनी धार्मिक क्षेत्र विकास समितिले करिब २६ करोडको लागतमा उक्त चिकित्सालय निर्माण गर्न लागेको हो ।

चिकित्सालयको शिलान्यास गर्नुभएका पोखरा महानगरपालिकाका मेयर जिसीले पोखरामा पहिलो पटक निर्माण हुन लागेको प्राकृतिक चिकित्सालयको महत्व विशेष रहेको र उक्त चिकित्सालय मेडिटेशन गर्ने विदेशी पर्यटकका लागि विशेष चासोको विषय भएको बताउनुभयो । उहाँले उक्त चिकित्सालय पोखरेलीले तिरेकै करबाट निर्माण हुन लागेकाले सबै पोखरेलीहरुलाई यसमा साथ दिनको लागी आह्वान गर्दै यसमा महानगरपालिकाको पनि सधैँ साथ रहने बताउनुभयो ।