पूर्वराष्ट्रपति पत्नीको जन्मोत्सव भोजमा ८० जना बिरामी
![](https://www.pokharaaaja.com/wp-content/uploads/2019/07/640_66084673_422362625028861_1824552521666920448_n_2019_07_03_16_17_48_3-1.jpg)
पोखरा
पिलिपिन्सका पूर्वराष्ट्रपति फेर्डीनान्ड मार्कोसकी श्रीमती इमेल्डा मार्कोसको ९०औँ जन्मोत्सवका अवसरमा आयोजित भोजमा सहभागी ८० जना बिरामी भएका छन् ।
राजधानी मनिलादेखि नजिकै रहेको पासिग शहरमा भएको भोजमा सहभागी भएका मध्ये केहीलाई पेटसम्बन्धी समस्या र बान्ता भइरहने समस्या भएको अधिकारीहरूले जनाएका छन् । प्रारम्भिक अनुसन्धानले भोजमा राखिएको कतिपय खाद्यपदार्थमा विषाक्त चिज रहेकाले उनीहरूको स्वास्थ्यमा समस्या देखिएको पासिग शहरका प्रहरी प्रमुख रिजालिटो गापासले जानकारी दिनुभयो । उहाँले सो जन्मोत्सव भोजमा २५ सय भन्दा बढी सहभागी भएको पनि बताउनु भयो । बिरामी भएकालाई प्राथमिक उपचार गराइएको बताइएको छ ।