पोखरा

सिरहाको धनगढीमाई नगरपालिका– २ भवानीपुरमा एक दिने निःशुल्क आँखा शिविर सम्पन्न भएको छ ।

धनगढीमाई नगरपालिका–२ कार्यालय भवानीपुर तथा सगरमाथा चौधरी आँखा अस्पताल लहानको सहयोगमा एकीकृत विकास केन्द्र भवानीपुरद्वारा आयोजित शिविरमा १८४ जनाले निःशुल्क आँखा जाँच गराएका छन् ।

तीमध्ये ४७ जना मोतियाविन्दुका बिरामी फेला परेको केन्द्रका कार्यक्रम संयोजक कपलेश्वर साहले जानकारी दिनुभयो । मोतियाविन्दुका बिरामीलाई उपचारका लागि सगरमाथा चौधरी आँखा अस्पताल लहानमा लगिएको छ ।

शिविरमा सगरमाथा चौधरी आँखा अस्पताल लहानका डा राजकुमार यादव, अविनाश चौधरी, वीरेन्द्र साह लगायतको सहभागिता थियो ।