पोखरा ।।
कास्की क्षेत्र नं.२ (ख) बाट निर्वाचित सांसद विन्दुकुमार थापाले निर्वाचन अघी जनतासामु गरेको प्रतिवद्धता अनुरुप आफुले राज्यबाट पाएको सेवा सुविधा सामाजिक कार्यमा खर्च गरेको जानकारी गराए । थापाले आफुले पाएको सम्पूर्ण तलब भत्ता खेलकुद क्लबहरुमा, ट्रष्ट निर्माण कार्यहरुमा , अक्षयकोष स्थापना लगायतका विभिन्न किसीमका धार्मिक र अन्य सामाजिक कार्यमा सहयोग गरेको व्यवहोरा पत्रकार सम्मेलन मार्फत लिखित प्रमाण सहित जानकारी गराए ।

आफु निर्वा्चित भएपछि आफ्नो निर्वाचन क्षेत्रमा केन्द्र र प्रदेशबाट प्राप्त विकास आयोजना र त्यसको निर्माण अवस्थाबारे पनि पत्रकार लाई जानकारी गराए । आफु निर्वाचीत भए देखी अहिले सम्मको अवधिमा ३ वटा समिति र उपसमितिमा रहेर काम गरेको अनुभव सुनाउँदै,
आफु संयोजक रहेको दुईवटा समिति प्रदेशको नामाकरण र यसको राजधानी तोक्ने जिम्मेवारी कुशला पूर्वक समपन्न गरेको यर्थाथ जनता सामु नै रहेको बताए । विकास निर्माण र अन्य जनसरोकारका काम गर्दा आफूलाई सहयोग गर्ने प्रतिपक्ष दलका सरोकारवाला व्यक्तीत्व लगायत सम्पूर्णलाइ धन्यवाद दिदै कास्की क्षेत्र २ (ख)मा भएका ६ वटा वडाको समानुपातिक विकासका लागी आफूले पहल गरी रहेको जानकारी गराए ।
संघीय संरचनाको निर्वाचन पछि कास्की २ (ख) मा २२ वटा ठूला तथा मझौला विकास आयोजना छनौट र कार्यान्वयनको चरणमा रहेको जानकारी दिदैं, सांसद थापाले सडक, कृषि, आकासे पुल, स्कुल तथा क्याम्पसको पूर्वाधार तथा शैक्षिक गुणस्तर बृद्धि र पर्यटन विकास लगायतका योजनाहरुमा काम भैरहेको बताए ।
फरक प्रसंगमा सांसद थापाले ,सरकारले राजनीतिक प्रभावमा परेर काम गरेको आरोप लगाउँदै थापाले आँफुले चाहीँ कुनै पूर्वाग्रह नराखी सर्वदलीय बैठकबाट योजना छनौट गरेको स्पष्ट पार्दै, स्थानीय, प्रदेश र केन्द्रीय सरकारमा समन्वयको अभावमा विकास निर्माणका कार्यमा बाधा पुगीरहेको दाबी गरे ।