पोखरा

लेबनानमा रहेका पौने दुई लाख सिरियाली शरणार्थीहरू घर फर्किएको अधिकारीहरूले बताएका छन् ।

लेवनानका अधिकारीहरूले बुधबार दिएको जानकारी अनुसार यही मार्च सम्ममा स्वदेश फर्किने सिरियाली शरणार्थीहरूको संख्या एक लाख ७२ हजार ४६ पुगेको छ ।

“सिरियाली शरणार्थीहरूलाई आफ्नै देशमा फर्काउनका लागि लेबनानले स्वंयसेवी भएर निरन्तर रूप धेरै कामहरू गरेको छ,” एक अधिकारीले भने । उनले आगामी दिनमा पनि निरन्तर यो काम गरिरहने पनि बताए ।

केही शरणार्थीहरूले भने सिरिया फर्किएपनि सुरक्षित रहन नसकेको बताएका छन । स्वदेश र विदेशमा ठूलो संख्यामा सिरियाली शरणार्थी बसेका छन् । यहाँ लामो समयदेखि जारी हिंसाका कारण चार लाखभन्दा बढी नागरिकले ज्यान गुमाएका छन् ।

हिंसा अझै रोकिएको छैन । यहाँ गृहयुद्ध जारी छ । जसले गर्दा यहाँका लाखौँ लाख नागरिक स्वदेश र विदेशमै शरणार्थीका रूपमा बाँच्नु परिरहेको अवस्था छ ।

रासस/सिन्ह्वा