पोखरा, १९ असोज ।

साफ यु–१८ महिला च्याम्पियनसिपको सेमिफइनलमा आज नेपालले भारतसँग प्रतिस्पर्धा गर्दैछ ।

नेपाल र भारतबिचको खेल नेपाली समयअनुसार ३ः१५ बजे भुटानको राजधानी थिम्पुमा रहेको चाङलिमिथाङ मैदानमा हुनेछ । नेपालले आफ्नो पहिलो खेलमा पाकिस्तानलाई १२–० गोलले पराजित गरेको थियो भने दोस्रो खेलमा २–१ गोलअन्तरले बंगलादेशसँग पराजित हुँदै नेपाल उपविजेता बनेर सेमिफाइनल पुगेको थियो ।

नेपालको लक्ष्य भारतलाई पराजित गर्दै फाइनलमा पुग्ने रहेकोे छ तर भारतलाई पराजित गर्नु नेपाललाई त्यति सजिलो भने छैन । किनभने भारत बलियो टिम हो । र समुह ‘ए’को विजेता पनि हो जहाँ नेपाल भने समुह ‘बी’को उपविजेता हो ।