पोखरा, १८ असोज ।

यु.के.ले इन्डोनेसियामा भुकम्प र सुनामीमा परी ज्यान गुमाउनेहरुलाई आर्थिक सहयोगको लागि च्यारिटिहरु गर्ने भएको छ ।

गएको शुक्रबार इन्डोनेसियाको सुलावेशी टापुमा गएको ७.५ म्याग्निच्युटको भुकम्प र सुनामीमा परी ज्यान गुमाउनेहरुको संख्या आधिकारीक रुपमा १,४०७ पुगिसकेको छ । तर अझै दुर्गम क्षेत्रमा खोजी कार्य नसकिएको हुनाले मृतकसंख्या बढ्ने अनुमान गरिएको छ ।

देशमा ठुलै धनजनको क्षति भएको र मानिसहरुमा गासबास नभएको कारणले गर्दा मानिसहरु सडकहरुमा माग्न थालेका छन् र पसलहरु चोरी हुन थालेका छन् । द डिजास्टर इमर्जेन्सी कमिटि (डिइसी) ले अति आवश्यक समयमा १४ वटा यु.के. एअड च्यारिटि , सेभ द चिल्ड्रेन, ब्रिटिस रेड क्रसद्वारा सहयोग जुटाएको छ । डिइसी प्रमुखले सलेह साइदले भने, “यहाँ तत्काल खाना, पिउने पानी, औषधि उपचार र बासको खाँचो छ ।”