पोखरा, १० असोज ।
गृहमन्त्री रामबहादुर थापाले अहिलेको बढ्दो हत्या र हिंसाका घटनालाई रोक्न सरकारले नियन्त्रणको प्रयास गरिरहेको बताएका छन् । राष्ट्रियसभाको मंगलबारको बैठकमा उठाएका हत्या, हिंसाका घटनाबारे सदनलाई जानकारी दिँदै उनले राजनीतिक सङ्कल्प र कठोर कानून बनाएर हत्या र हिंसाका घटनालाई नियन्त्रण गरिने प्रतिवद्धता जनाए।
निर्मला पन्तको हत्या महिला हिंसाको प्रतिनिधिमूलक घटना भएको बताउँदै उनले निर्मला पन्तमा सम्बन्धित निकायको गम्भीर कमजोरी र गैरजिम्मेवारीका कारण अनुसन्धानमा केही ढिलाइ भए पनि हत्यारालाई कानूनी कठघरामा उभ्याउन सफल हुने विश्वास दिलाए।
त्यस्तै हालको हत्या हिंसा बढ्नुको कारण लागुऔैषध र घरेलु मदिरा रहेको औँलयाउँदै थापाले त्यसलाई रोक्ने प्रयास पनि भैरहेको बताए । उनले वर्तमान सरकार स्पष्ट दृष्टिकोणका साथ अघि बढिरहेको हुँदा त्यसलाई रोक्ने सफल हुने अठोट व्यक्त गरे।