पोखरा, ३१ भदौ ।
बदामजन्य खाना (बदाम, ओखर, काजु इत्यादि) एकदम फाइबरजन्य, म्याग्नेसियमयुक्त, स्वस्थ र एकदम पौष्टिक खाना हुन् । नयाँ अनुसन्धानले यसको स्वास्थ्य फाइदाहरु हामीले सोचेको भन्दा पनि बढि रहेको पत्ता लगाएका छन् ।
दिनको एकमुठि बदामजन्य कुरा खानाले रोग लाग्नबाट २२ प्रतिशत कम गर्छ, डाइबिटिज रोगको सम्भावना ४० प्रतिशत र संक्रमित रोगको संभावना ७५ प्रतिशतले कम गर्छ भन्ने कुरा पत्ता लागेको छ । दिनमा १५ देखी २० ग्राम मात्र सेवन गरे पुग्छ ।
कुनै कुनै नटहरु, खासगरी ओखरका प्रकारहरुमा प्रशस्त मात्रामा एन्टिअक्सिडेन्ट हुन्छ जसले अक्सिडेटिभ तनावहरुसँग लड्छ र संभवतः क्यान्सरको जोखिमलाई पनि कम गर्छ । बदामजन्य कुरामा चिल्लोपदार्थको मात्रा बढि भए पनि यसमा फाइबर र प्रोटिनको मात्रा पनि बढि मात्रामा हुन्छ र यसले मोटोपना बढ्ने जोखिम पनि कम गर्छ ।