घाँस काट्ने क्रममा भिरबाट लडेर आमा–छोराको मृत्यु
पोखरा
धादिङमा भिरबाट लडेर आमा–छोराको मृत्यु भएको छ ।
बेनीघाट रोराङ गाउँपालिका वडा नम्बर–२ मा भिरबाट लडेर स्थानीय १९ वर्षीया अप्सरा चेपाङ र उनका दुई वर्षीय छोरा साजनको मृत्यु भएको हो ।
सोमबार दिउँसो घाँस काट्न गएको बेला छोरा भिरबाट लडेपछि उनलाई उद्धार गर्न जाँदा आमा पनि खसेर दुवैको मृत्यु भएको धादिङ प्रहरीले जनाएको छ । अप्सरा ८ महिने गर्भवती थिइन् । यसैबीच, गत शनिबार त्रिशूली नदीमा पौडी खेल्ने क्रममा बेपत्ता भएका भक्तपुरका २४ वर्षीय रोमी शाह ठकुरीको शव पनि आज गजुरी गाउँपालिकास्थित चालिसे नजिकै फेला परेको प्रहरीले जनाएको छ ।