पोखरा

अफगानिस्तानको राजधानी काबुलमा शक्तिशाली आत्मघाती बम विष्फोट हुँदा कम्तिमा १९ जनाको मृत्यु भएको छ।

प्रहरीका अनुसार शहरको पश्चिमी क्षेत्रमा अवस्थित काज एजुकेशन सेन्टरमा परीक्षा चलिरहेका बेला विष्फोट भएको हो। सेन्टरका कर्मचारीका अनुसार विद्यार्थीहरुले परीक्षा दिइरहेका बेला विस्फोट भएको हो। यो इलाकामा बस्ने अधिकतम मानिसहरु हजारा समुदायका हुन्।

बीबीसीका अनुसार हजारा समुदायलाई निशाना बनाएर पहिलो पटक आक्रमण भएको हो। घटनाको कुनै समूहले जिम्मा लिएको छैन । अफगान गृह मन्त्रालयले आम नागरिकमाथि गरिएको यो आक्रमण अमानवीय र क्रुर भएको प्रतिक्रिया दिएको छ।