सप्तरीमा बियरको बोतल प्रहार गरी एक महिलाको हत्या
पोखरा
सप्तरीमा जिल्लाको छिन्नमस्ता गाउँपालिका–१ की ५० वर्षीय भुटनीदेवी यादवको हत्या भएको छ ।
यादवको टाउकोमा बियरको बोतल प्रहार गरी हत्या भएको देखिएको जिल्ला प्रहरी कार्यालय सप्तरीले जनाएको छ ।घटनास्थलमा तीन वटा बियरको बोतल समेत भेटिएको छ । तीन वटामध्ये दुईवटा बोतल फुटेको छ ।
यादवले नाकमा लगाएको फूलीसहित अन्य गरगहना पनि लुटिएको पीडित परिवारले बताएका छन् । भुटनीदेवी आइतबार साँझदेखि हराइरहेकी थिइन् । सोमबार बिहान मृत फेला परेको हो । हत्याको अनुसन्धान गर्न जनकपुरबाट कुकुरसहितको विशेष टोली मगाइएको प्रहरीले जनाएको छ ।