कास्की प्रहरीद्धारा लागूऔषध चरेससहित दुई जना पक्राउ
पोखरा
प्रहरीले लागूऔषध चरेससहित दुई जनालाई पक्राउ गरेको छ । पक्राउ पर्नेमा रुकुम भूमे गाउँपालिका वडा नं २ घर भइ हाल पोखरा–३२ सातमुहाने बस्दै आएकी ५६ वर्षीया कुमारी बुढा र पोखर ३२ खुदीखोला बस्ने १९ वर्षीय विकास थापा रहेका छन् ।
प्रहरीले उनीहरुको साथबाट १२ सय ३० ग्राम चरेस बरामद गरेको कास्की प्रहरी प्रवक्त सुन्दर तिवारीले जानकारी दिए ।
पोखरा ३२ स्थित सातमुहानेमा अवैध लागुऔषध चरेसको कारोवार भइरहेको भन्ने सूचनाका आधारमा जिल्ला प्रहरी कार्यालयबाट खटिएको प्रहरी टोलीले उनीहरुलाई पक्राउ गरिएको डिएसपी तिवारीले बताए ।
उनीहरुमाथि लागु औषध सम्बन्धी कसुर मुद्धामा जिल्ला अदालत कास्कीबाट सात दिनको म्याद थपको अनुमति लिएर आवश्यक अनुसन्धान शुरु गरिएको प्रहरीले जनाएको छ ।
