मिस युनिभर्स २०२१ को ताज भारतकी सान्धुलाई
पोखरा
मिस युनिभर्स २०२१ को उपाधि भारतीय सुन्दरी हरनाज सान्धुले जितेकी छन् ।
यो सँगै २१ वर्ष पछि भारतले मिस युनिभर्सको ताज जितेको छ । भारतको पञ्जाब, चण्डीगढकी मोडेल सन्धुले आज इजरायलमा भएको ७०औंँ मिस युनिभर्स प्रतियोगिताको फाइनलमा पाराग्वे र दक्षिण अफ्रिकाका गरी ७० जना प्रतिस्पर्धीलाई पछि पारिन् ।
सान्धुलाई गत बर्षकी मिस युनिभर्स मेक्सीकन मोडल एन्ड्रिया मेजाले ताज लगाइदिइन् ।
मिस युनिभर्सको प्रतिस्पर्धामा नेपालको तर्फबाट मिस युनिभर्स नेपाल सुजिता बस्नेतले सहभागिता जनाएकी थिइन् । मिस युनिभर्स प्रतिस्पर्धामा सुजिताले नेपालको चिनारी झल्कीने कस्टियुममा प्रस्तुत भएकी थिइन् ।
भारतले यस अघि सन् २००० मा लारा दत्तले मिस युनिभर्सको उपाधि जितेकी थिइन् भने सन् १९९४ मा सुस्मिता सेनले उपाधि हात पारेकी थिइन् ।
