पोखरा

पोखरा राइनोजलाई ४ विकेटले हराउँदै चितवन टाइगर्सले एभरेस्ट प्रिमियर लिग (इपिएल) टी-२० क्रिकेटको उपाधि जितेको छ।

शनिबार कीर्तिपुरस्थित त्रिवि मैदानमा भएको फाइनल खेलमा चितवनले पोखरा राइनोजलाई ४ विकेटले हराउँदै पहिलो पटक इपिएलको उपाधि जितेको हो।

चितवनलाई उपाधि जिताउनका लागि भीम सार्कीले अर्धशतक प्रहार गरे। ६३ रन जोडेका उनले ४५ बल खेलेर ७ चौका र २ छक्का हिर्काए। भने, ब्याट्सम्यान दिलीप नाथले १७ बलमा १८ रनको योगदान गरे। राजेश पुलामीमगर १२ बलमा १४ रनमा जोडे।

पोखराले दिएको ११२ रनको सामान्य लक्ष्य चितवनले ६ विकेटको क्षतिमा १५.५ ओभरमा पूरा गरेको थियो ।