दक्षिण कोरियन अभिनेत्री किमको ६१ वर्षको उमेरमा निधन
पोखरा
दक्षिण कोरियाकी प्रख्यात अभिनेत्री किम मिन क्यूंगको ६१ वर्षको उमेरमा निधन भएको छ । उनको निधन के कारणले भएको हो भन्ने कुरा खुलेको छैन ।
किमले सन् १९७९ बाट फिल्मी करियर सुरुवात गरेकी थिइन् । उनले डेब्यू फिल्मबाटै लोकप्रियता पाएकी थिइन् । सन् १९८१ मा उनले ‘कोरिया थिएटर फेस्टिभल’मा ‘बेस्ट न्यूकमर अवार्ड’ जितेकी थिइन् । यसपछि उनी कैयौं टेलिफिल्म र फिल्ममा देखिइन् ।
उनी अभिनित फिल्म ‘तज्जा’, ‘समवन बिहाइण्ड यू’, ‘ह्वेय द ट्रुथ लाइज’ जस्ता फिल्म हिट साबित भएका थिए । उनका दुई फिल्म रिलिजको तयारीमा छन् ।
-khabarhub