पोखरा

काठमाडौँ महानगरपालिका–१६ चमती बस्दै आएकी २८ वर्षीया बबिता राईको घरयासी विवादमा हत्या गरेको आरोपमा उनका ३३ वर्षीय श्रीमान रामेश्वर गोतामे पक्राउ परेका छन ।

महानगरीय प्रहरी परिसरका प्रवक्ता एसपी रमेश बस्नेतका अनुसार आज (बुधबार) बिहान करिब १ बजेतिर हत्या भएको सूचना पाएपछि प्रहरी घटनास्थल पुगेको थियो।

एसपी बस्नेतले भने घटनास्थल पुगेर अनुसन्धान गर्दा घाँटी थिचेर हत्या गरेको देखिएको छ। शरीरमा कुनै हतियार प्रयोग गरिएको देखिएन ।

एसपी बस्नेतका अनुसार पक्राउ परेका उनको श्रीमानले घरयासी विवादका कारण हत्या गरेको स्वीकारेका छन् । घटनाबारे थप अनुसन्धान भइरहेको एसपी बस्नेतले बताए ।