इंग्ल्याण्डका पूर्वफूटबलर हतियार र लागुऔषधसहित पक्राउ
पोखरा
इंग्ल्याण्डका पूर्वफूटबलर पाउल सेफर्ड हतियार र लागुऔषधसहित पक्राउ परेका छन् ।
पूर्व फूटबलर पाउल सेफर्डलाई लण्डन प्रहरीले हातहतियार र लागुऔषधसहित पक्राउ गरेको हो । बेलायतको उच्च डिभिजन फूटबल प्रिमियर लिग क्लब लिड्स यूनाइटेडबाट व्यवसायिक फूटबल खेलेका सेफर्डको घरबाट प्रहरीले पेस्तोल, राइफल, गोलीसहित ड्रग्सपनि बरामद गरेको छ ।
अपरेसन वेनेटिकमार्फत अनुसान्धान गर्ने क्रममा ४३ वर्षे सेफर्डको घरबाट सेमि अटोमेटिक पेस्तोल, होवा बोल्ट एक्सन राइफल, २०० राउण्ड गोली बरामद गरिएको थियो ।
यसअघि पनि सेफर्डको कारबाट कोकिन बरामद भएको थियो ।