बलिउड अभिनेता चन्द्रशेखरको निधन



पोखरा

सन् ५० देखि ६० को दशकका प्रख्यात अभिनेता चन्द्रशेखरको ९८ वर्षको उमेरमा मुम्बईको अँधेरीस्थित घरमा निधन भएको छ । उनी लामो समयदेखि अस्वस्थ थिए ।

उनले ५० को दशकमा कैयौं फिल्ममा नायकका रुपमा अभिनय गरेका थिए । त्यसपछिको दशकमा भने उनी चरित्र अभिनेताका रुपमा फरक पहिचान बनाए । उनको पुरा नाम चन्द्रशेखर वैद्य हो ।

चन्द्रशेखरका नाति विशाल शेखरका अनुसार चन्द्रशेखरलाई तिब्र ज्वरोको कारण मुम्बईको जुहुस्थित क्रिटी केयर अस्पतालमा भर्ना गरिएको थियो । उनको स्वास्थ्यमा सुधार आएपछि घर ल्याइएको थियो ।

‘यस्तो नाजुक अवस्थामा परिवारसँग बस्ने उहाँको अन्तिम इच्छा थियो । त्यहीकारण उहाँलाई अस्पतालबाट घर लगेका थियौं’, विशालले भनेका छन् । चन्द्रशेखरका छोरा अशोकले बुबालाई घरमा पनि अस्पतालकै जस्तो सुविधा दिएको बताए ।

चन्द्रशेखरले ५० को दशकमा जूनियर आर्टिस्टको रुपमा फिल्मी करियर सुरु गरेका थिए । कैयौं फिल्ममा जूनियर आर्टिस्टकै रुपमा काम गरेपछि उनी नायकका रुपमा उदाएका थिए ।

हैदराबादमा जन्मिएका चन्द्रशेखरले सन् १९५३ मा रिलिज फिलम वी शान्तारामको फिल्म ‘सुरंग’मा पहिलोपटक नायकका रुपमा अभिनय गरेका थिए । यसपछि उनले ‘कवि’, ‘मस्ताना’, ‘बरादरी’, ‘काली टोपी लाल रूमाल’, ‘स्ट्रीट सिंगर’ जस्ता फिल्ममा नायकका रुपमा अभिनय गरे ।

नायकका रुपमा काम पाउन छाडेपछि सन् ६० देखि ७० को दशकमा उनले ‘कटी पतंग’, ‘हम तुम और वो’, ‘अजनबी’, ‘महबूबा’, ‘अलग–अलग’, ‘शक्ति’, ‘शराबी’, ‘डिस्को डान्सर’, ‘नमक हलाल’, ‘द बर्निंग ट्रेन’, ‘संसार’, ‘हुकूमत’ जस्ता फिल्ममा चरित्र अभिनेताको रुपमा अभिनय गरे ।

‘गेट वे अफ इण्डिया’, ‘फेशन’, ‘बरसात की रात’, ‘बात एक रात की’, ‘अंगुलीमाल’, ‘रुस्तम–ए–बगदाद’, ‘किंग कङ’ र ‘जहाँ आरा’ जस्ता फिल्ममा उनले निभाएको चरित्र दर्शकमाझ निकै लोकप्रिय बनेको थियो ।

सन् १९९८ मा रिलिज रामानन्द सागरको रामायणमा चन्द्रशेखरले ‘आर्य सुमन्त’को भूमिका निभाएका थिए ।

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


सम्पादक/सञ्चालक:- पुनम भट्ट भट्टराई

प्रकाशक:- अशेष भट्टराई

प्रेस प्रतिनिधि:- आशिष भट्टराई

सम्पर्क नं. :- ९८५६०४८८९५

सूचना विभागमा दर्ता नं. : १४०३/०७५-७६

सामाजिक संजाल


©2024 Pokharaaaja