आफ्नै नेतृत्व भएमात्र जसपा सरकारमा सहभागी हुने



पोखरा

जनता समाजवादी पार्टीले आफ्नै नेतृत्वमा सरकार बन्ने अबस्था आएमात्रै सरकारमा सहभागी हुने जनाएको छ ।

जसपाले एमाले नेतृत्वको सरकारमा सहभागी हुने वा अर्को गठनबन्धनमा सहभागी हुने भन्ने अन्योल रहेका बेला अध्यक्षद्वय उपेन्द्र यादव र महन्थ ठाकुरले संयुक्त विज्ञप्ति जारी गर्दै आफ्नै नेतृत्वमा सरकार बन्ने अबस्थाबाहेक सरकारमा सहभागी नहुने स्पष्ट पारेको हो ।

विज्ञप्तिमा आफ्नै नेतृत्वको सरकार बन्ने वा राष्ट्रिय सहमतिको सरकार बन्ने अबस्थामा मात्रै सरकारमा सहभागी हुने जनाइएको छ ।

विज्ञप्तिमा भनिएको छ,‘जनता समाजवादी पार्टी सरकार सहभागी नभई प्रतिपक्षको भूमिकामा रही आफ्नो भूमिका निर्वाह गर्ने पार्टीको नीति र निर्णय यथावत कायम रहनेछ ।’

जसपाकै नेतृत्वमा सरकार बन्ने वा राष्ट्रिय सहमतिको सरकार बन्ने अबस्थामा भने सरकार सहभागी हुने जसपाका दुईजना अध्यक्षले स्पष्ट पारेका छन् ।

विज्ञप्तिमा भनिएको छ,‘राष्ट्रिय सहमति वा आफ्नै पार्टीको नेतृत्वमा सरकार बन्न सक्ने अवसर प्राप्त हुनसक्ने अबस्था आएमा सरकार गठनमा अगाडि बढ्न सकिनेछ ।’

यसअघि जसपाको एउटा समुहले संसदीय दलको नेतामा राजेन्द्र महतोलाई चयन गरेपछि पार्टीभित्र आन्तरिक शक्तिसंघर्ष चुलिएको छ । जसका कारण पार्टी विभाजन हुनसक्ने आशंका उत्पन्न भएका बेला दुईजना अध्यक्षले जारी गरेको विज्ञप्तीमा पार्टीभित्र देखिएको समस्या समाधानका लागि पार्टीभित्रै छलफल गर्नुपर्नेमा जोड दिएका छन् ।

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


प्रकाशक/प्रेस प्रतिनिधि:- आशिष भट्टराई

सम्पादक/सञ्चालक:- पुनम भट्ट भट्टराई

रिपोर्टर:- आशिष रानाभाट

रिपोर्टर:- सामुयल श्रेष्ठ

सम्पर्क नं. :- ९८०५८५३४२०

सूचना विभागमा दर्ता नं. : १४०३/०७५-७६

सामाजिक संजाल


©2021 Pokharaaaja