कोरोना संक्रमणबाट पोखरामा एक महिलाको मृत्यु
पोखरा
पोखरामा कोरोना संक्रमणका कारण एक जना महिलाको मृत्यु भएको छ । कास्की जिल्लाको पोखरा महानगरपालिका वडा नं १३ की ७१ वर्षीय महिलाको मंगलबार राती पौने ८ बजे निधन भएको हो ।
गण्डकी प्रदेश स्वास्थ्य निर्देशनालयका अनुसार पोखरा स्वास्थ्य विज्ञान प्रतिष्ठान पोखरामा उपचारको क्रममा उहाँको निधन भएको हो । उहाँलाई गत माघ २६ गते कोरोना संक्रमण पुष्टि भएको थियो । उहाँमा कोभिड न्यूमोनिया, मधुमेह र मृगौला सम्बन्धी समस्या थियो ।
प्रदेशमा कोरोना संक्रमणका कारण निधन हुनेको संख्या २०४ पुगेको निर्देशनालयका निर्देशक डा विनोद विन्दु शर्माले जानकारी दिनु भएको छ ।