पोखरा आउँदै गरेको बस र स्याङ्जा जाँदै गरेको ट्रक ठोक्किदा १७ घाइते
पोखरा
पोखरा आउँदै गरेको बस र स्याङ्जा जाँदै गरेको ट्रक शनिवार दिउँसो एक आपसमा ठोक्किदा १७ जना घाइते भएका छन् ।
स्याङ्जा पुतलीबजार नगरपालिका-११ बगालथोकमा ना ५ख ५१३९नंं को बस र लु १ख ६५९४ नंं. को ट्रक एक आपसमा ठोक्किदा ट्रक चालकसहित बसका १७ यात्रु घाइते भएका हुन् ।
घाइते मध्य गम्भीर ३ जनालाई थप उपचारको लागि पोखरा ल्याइएको गण्डकी प्रदेश प्रहरी कार्यालय पोखराका प्रहरी नायव उपरीक्षक राजकुमार थिङले बताउनुभयो ।
स्याङ्जाको अर्जुनचौपारीबाट पोखरातर्फ आउँदै गरेको उक्त बस र पोखराबाट वालिङतर्फ जाँदै गरेको ट्रक एक आपसमा ठक्कर खाँदा दुर्घटना भएको हो । घटनाको बारेमा अनुसन्धान भइरहेको प्रहरीले जनाएको छ ।
