आईपी टेलिभिजन सेवा थाल्दै नेपाल टेलिकम



पोखरा

 नेपाल टेलिकमले अब आफ्नै आईपी टेलिभिजन सेवा दिने भएको छ । कम्पनीका अनुसार आगामी अंग्रेजी नयाँ वर्षबाट टेलिकमले आईपी टीभी सेवा दिन तयारी गरेको हो ।

टेकिलमका प्रवन्ध निर्देशक डिल्लीराम अधिकारीका अनुसार टेलिभिजन सेवाका लागि अहिले परीक्षण प्रसारण भइरहेको छ।जनवरी १देखि सेवा सुरु गर्न विभिन्न तयारी अघि बढाइएको उनले बताए ।

अहिले विदेशी टेलिभिजनका क्लिन फिड कन्टेन्ट र प्याकेजलाई सेवामा जोड्ने काम धमाधम भइरहेको कम्पनीले बताएको छ ।

टेलिकमको एफटीटीएच (फाइबर टु दि होम) मार्फत इन्टरनेट सेवा लिइरहेका ग्राहकले अब टेलिकमकै आईपी टीभी चलाउन पाउनेछन् ।यो सेवा सुरु भएपछि टेलिकमका एफटीटीएच इन्टरनेटका ग्राहकले टेलिफोन, इन्टरनेट र टेलिभिजन सेवा एउटै सीपीईबाट पाउन सक्नेछन् ।

एउटै सीपीईबाट टेलिफोन, इन्टरनेट र टेलिभिजनको सेटटप बक्समा लाई लैजान सकिनेछ ।

‘यसले टेलिकमको सेवामा मूल्य अभिवृद्धि गर्छ,’ उनले भने,’ग्राहकलाई घरमा टेलिफोन, इन्टरनेट र टेलिभिजनका लागि छुट्टाछुट्टै सेवा प्रदायक खोजीरहन पर्दैन ।’

टेलिकमले यसका लागि व्यवसायिक योजना पनि ल्याउन तयारी गरेको छ । आईपी टीभीको सहुलियत दरको सेवा शुल्कसहितको बजार रणनीति तय गरेर इन्टरनेटका ग्राहकहरु बढाउने योजनामा टेलिकम छ ।

अहिले विभिन्न निजी स्तरका इन्टरनेट सेवा प्रदायकले आईपी टिभी सेवा दिइरहेका छन् । प्रवन्ध निर्देशक अधिकारीका अनुसार आईपी टीभी लगत्तै टेलिकमले निकट भविष्यमै आफ्नै मोबाइल टेलिभिजनको ‘ओटीटी (ओभर दि टप) पनि सञ्चालनमा ल्याउने छ । अहिले निजी सेवा प्रदायकमार्फत मात्रै टेलिकमले मोबाइल टीभीको ओटीटी सेवा दिइरहेको छ ।

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


सम्पादक/सञ्चालक:- पुनम भट्ट भट्टराई

प्रकाशक:- अशेष भट्टराई

प्रेस प्रतिनिधि:- आशिष भट्टराई

सम्पर्क नं. :- ९८५६०४८८९५

सूचना विभागमा दर्ता नं. : १४०३/०७५-७६

सामाजिक संजाल


©2024 Pokharaaaja