टोटेनहमको संघर्षपूर्ण जित
पोखरा
इंग्लिस प्रिमियर लिग फुटबलमा टोटेनहमले संघर्षपूर्ण जित हात पारेको छ ।
सोमबार राति भएको खेलमा टोटेनहमले बर्नलीमाथि १-० गोल अन्तरको जित निकालेको हो ।
बर्नलीको मैदानमा टोटेनहमलाई जित दिलाउन ह्युङ मिन सनले निर्णायक गोल गरे ।
पहिलो हाफ गोलरहित बराबरीमा सकिएको खेलको ७६औं मिनेटमा सनले निर्णायक गोल गरेका थिए ।
ह्यारी केनको पासमा सनले निर्णायक गोल गरेका हुन् । जितसँगै टोटेनहम लिगको पाँचौं स्थानमा उक्लिएको छ । टोटेनहमले ६ खेलमा ११ अंक जोडेको छ ।
बर्नलीले ५ खेलमा १ अंक जोडेको छ । बर्नली लिगको १८औं स्थानमा रहेको छ ।
