पोखराका थप ५ जनामा कोरोना संक्रमण पुष्टि
पोखरा
गण्डकी प्रदेशमा शुक्रवार दिउसो थप १२ जनामा कोरोना भाइरस देखिएको छ ।
गण्डकी प्रदेश स्वास्थ्य निर्देशनालयले कास्कीको पोखरा महानगरका ५ सहित तनहुँका ४, गोरखाका १ र नवलपुरका २ जना गरी थप १२ जनामा कोरोना पुष्टि भएको जानकारी दिएको हो ।
सक्रमण पुष्टि हुनेमा पोखराका मातृशिशु अस्पतालमा कार्यरत १ महिला चिकित्सक, पोखरा १० का १ पुरुष तथा १ महिला, पोखरा १७ की १ महिला, पोखरा ३० का १ पुरुष, गोरखाको गोरखा नगरपालिका ६ का १ पुरुष, तनहुँ व्यासका ४ पुरुष र नवलपुर देवचुलीका १ पुरुष तथा १ महिला रहेका छन ।
यस सँगै गण्डकी प्रदेशमा कोरोना संक्रमितको संख्या ६ हजार ३ सय २१ पुगेको छ ।