च्याम्पियन्स लिगमा बार्यन म्युनिखको शानदार सुरुवात
पोखरा
जर्मन क्लब बार्यन म्युनिखले च्याम्पियन्स लिग फुटबलमा शानदार सुरूवात गरेको छ ।
बार्यनले स्पेनिस क्लब एथ्लेटिको मड्रिडलाई ४–० ले पराजित गरेको हो । घरेलु मैदानमा भएको खेलमा पहिलो हाफमा दुई गोल गरेको बार्यनले दोस्रो हाफमा थप दुई गोल गरेको हो ।
उसका लागि किंग्स्ली कोम्यानले २८ र ७२औँ मिनेटमा दुई गोल गरे ।४१ औँ मिनेटमा लियोन गोरेट्ज्का तथा ६६ औँ मिनेटमा कोरेन्टिन टोलिसोले गोल गरेका हुन् ।
जर्मन जाइन्ट बार्यनले च्याम्पियन्स लिगमा लगातार १२ खेलमा जित दर्ता गरेको छ ।