यूएईका उपप्रधानमन्त्रीसहित चार मन्त्रीले लगाए कोरोनाविरूद्धको खोप



पोखरा

संयुक्त अरव ईमिरेट्स (यूएई)का उपप्रधानमन्त्री तथा आन्तरिक मामिला मन्त्री शेख सईफ बीन जायाद अल नहानले कोरोनाविरुद्धको खोप लगाएका छन् ।

ट्वीटरमा फोटो पोष्ट गर्दै उनले कोरोनाविरूद्धको खोप लगाएको बताएका हुन् । खोप लगाइदिएकोमा उनले स्वास्थ्यकर्मीहरुलाई धन्यवाद दिएको गल्फ न्युजले जनाएको छ ।

यसैगरी विदेश मन्त्री शेख अव्दुल्लाह बीन जायाद, स्वास्थ्य मन्त्री अव्दुल्लाह रहमान अल ओविस, संस्कृति तथा युवा मन्त्री नुरा विन्त मोहम्मद अल कावी तथा अबुधावी एक्ज्युकेटिव अफिसका अध्यक्ष शख खालिद बीन मोहम्मद बीन जायादले पनि खोप लगाएका छन् ।

यूएईमा अहिलेसम्म कोरोना सङ्क्रमितको सङ्ख्या १ लाख १७ हजार ५९४ जना पुगेको छ । अहिलेसम्म उपचारपछि निको हुनेको सङ्ख्या १ लाख १० हजार ३१ जना छ भने संक्रमणबाट ज्यान गुमाउनेको सङ्ख्या ४७० पुगेको छ ।

यूएईले पीसीआर परीक्षणको दायरालाई फराकिलो बनाउँदै लगेको जनाएको छ । यूएईको स्वास्थ्य मन्त्रालयले मृतकका परिवारमा  समवेदना प्रकट गर्दै संक्रमितहरुको स्वास्थ्य लाभको कामना समेत गरेको छ ।

समुदायका सदस्यहरुलाई स्वास्थ्य अधिकारीहरुसँग सहकार्य गर्न र प्रत्येकको सुरक्षा सुनिश्चित गर्न सामाजिक दूरीसहितको रोकथाम र सावधानीका उपायहरू अपनाउन मन्त्रालयले आग्रह गरेको छ ।

ठूलो सङ्ख्यामा नेपाली श्रमिकहरु कार्यरत रहेको यूएईमा अहिलेसम्म के कति नेपाली कामदार कोरोनाबाट संक्रमित भए र कतिको मृत्यु भयो भन्ने  तथ्यांक भने छैन ।

यद्यपि कोरोनाबाट संक्रमित धेरै नेपालीहरू निको भएर काममा फर्किसकेका छन् ।

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


सम्पादक/सञ्चालक:- पुनम भट्ट भट्टराई

प्रकाशक:- अशेष भट्टराई

प्रेस प्रतिनिधि:- आशिष भट्टराई

सम्पर्क नं. :- ९८५६०४८८९५

सूचना विभागमा दर्ता नं. : १४०३/०७५-७६

सामाजिक संजाल


©2024 Pokharaaaja