तनहुँमा पूर्वाधार विकास कार्यालय स्थापना



पोखरा

तनहुँमा पूर्वाधार विकास कार्यालय स्थापना गरिएको छ । गण्डकी प्रदेशका सबै जिल्लामा कार्यालय स्थापना गर्ने प्रदेश सरकारको निर्णय बमोजिम तनहुँमा पूर्वाधार विकास कार्यालय स्थापना भएको हो ।

जिल्लामा पूर्वाधार विकास कार्यालय नहुँदा सेवाग्राहीलाई नवलपुर जानुपर्ने बाध्यता अब हटेको छ । पूर्वाधार विकास कार्यालयले प्रदेश सरकार अन्तर्गतका सडक, मोटरेवल तथा झोलुङ्गे पुल, भवन निर्माण गर्छ ।

कार्यालयका प्रमुख ओमराज ढुङ्गानाले पूर्वाधार विकास कार्यालयको स्थापना गरी काम शुरु गरिएको जानकारी दिए । जिल्लामा यसअघि पूर्वाधार विकास कार्यालय नहुँदा नवलपुरमा रहेको कार्यालयले हेर्ने गर्दथ्यो । कार्यालयमा २५ जनाको दरवन्दी कायम भएको छ । “दरवन्दी अनुसारको कर्मचारी त पूरा भइसकेको छैन, स्थायी कर्मचारी सबै हुनुहुन्छ, बाँकी इन्जिनीयर, सवइन्जिनियरलाई मन्त्रालयले करारमा पठाउन सक्छ,” ढुङ्गानाले भने।

कार्यालयको मातहत नै आजदेखि डुम्रेमा रहेको यातायात व्यवस्था शाखाको कार्यालय पनि शुरु भएको छ । सो कार्यालयबाट तनहुँसहित गोरखा र लमजुङका सेवाग्राहीले सवारी दर्ता प्रमाणपत्र नवीकरण गर्दै आएका छन् । तर अब गोरखा र लमजुङमा पनि यातायात व्यवस्था शाखा स्थापना हुने भएपछि डुम्रेको कार्यालय दमौली स्थानान्तरण गरिनेछ 

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


सम्पादक/सञ्चालक:- पुनम भट्ट भट्टराई

प्रकाशक:- अशेष भट्टराई

प्रेस प्रतिनिधि:- आशिष भट्टराई

सम्पर्क नं. :- ९८५६०४८८९५

सूचना विभागमा दर्ता नं. : १४०३/०७५-७६

सामाजिक संजाल


©2024 Pokharaaaja