पर्वतमा १९ करोडको लागतमा सुविधासम्पन्न अस्पताल बन्दै



पोखरा

पर्वतको एक विकट गाउँमा सुविधासम्पन्न अस्पताल निर्माण गर्न थालिएको छ । बिहादी गाउँपालिका वडा नं २ बर्राचौरमा १५ श्ययाको सुविधासम्पन्न अस्पताल निर्माण हुने भएको हो । अहिलेसम्म सदरमुकाम कुश्माबजारमा मात्र १५ श्ययाको अस्पताल रहेको थियो ।

नेपाल सरकारमार्फत रु १९ करोड लगानीमा अस्पताल निर्माणको प्रक्रिया शुरु भएको वडा नं २ का वडाध्यक्ष ओमप्रकाश कुँवरले जानकारी दिए । अस्पताल निर्माणका लागि बोलपत्र आह्वान भइरहेको छ । सुविधासम्पन्न अस्पताल नहुँदा दक्षिण पर्वतका नागरिक सामान्य उपचारका लागि पनि पाल्पा, पोखरा, बुटवललगायतका ठाउँमा जान बाध्य छन् । अब भने अधिकांश सेवासहितको अस्पताल बन्ने भएपछि त्यस क्षेत्रका नागरिकलाई सहज हुने अध्यक्ष कुँवरले बताए ।

अस्पताल बनाउनका लागि स्थानीय आठ व्यक्तिले निःशुल्करूपमा जग्गादान गरेका छन् । स्थानीय डोलेन्द्र गिरी, भूपेन्द्रनाथ पौड्याल, इन्द्रकला पौड्याल, सुशीला गिरी, होमनाथ गिरी, राम गिरी, कृष्ण गिरी र खगेश्वर भट्टराईले निःशुल्करूपमा जग्गादान गरे।

गाउँपालिकाका अध्यक्ष कमल भुषालले यस्तो विकट गाउँमा सुविधासम्पन्न अस्पताल निर्माण हुनु गौरवको कुरा भएको उल्लेख गर्दै सामान्य शल्यक्रिया तथा सुत्केरी हुन पनि पाल्पा, बुटवल, पोखरा जानुपर्ने बाध्यताको अन्त्य हुने विश्वास व्यक्त गरे । उनले समयमै अस्पतालको निर्माण पूरा गर्न गाउँपालिकाले नियमित सहजीकरण गर्ने बताए । अस्पताल दुई वर्षभित्र निर्माण सम्पन्न गरिने बताइएको छ।

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


सम्पादक/सञ्चालक:- पुनम भट्ट भट्टराई

प्रकाशक:- अशेष भट्टराई

प्रेस प्रतिनिधि:- आशिष भट्टराई

सम्पर्क नं. :- ९८५६०४८८९५

सूचना विभागमा दर्ता नं. : १४०३/०७५-७६

सामाजिक संजाल


©2024 Pokharaaaja