‘केजीएफ २’ को नयाँ पोस्टर रिलिज, सञ्जय दत्तको दमदार लूक
पोखरा
‘केजीएफ’ को अपार सफलतापछि फिल्मको दोस्रो च्याप्टर प्रतीक्षित बनेको छ । फिल्ममा अझ सञ्जय दत्त पनि हुने भएपछि फ्यानको पर्खाइ हुने नै भयो ।
फिल्ममा सञ्जय दत्त खलनायकको भूमिकामा देखिनेछन् । आज सञ्जयको जन्मदिनमा ‘केजीएफ’ टिमले सञ्जयलाई प्रस्तुत गरिएको फिल्मको लूक सार्वजनिक गरेको छ ।
पोस्टरमा सञ्जय दत्तको कपालको स्टाइलदेखि अनुहारमा बनाइएको ट्याटु देख्न सकिन्छ । जसले दर्शकको थप ध्यान खिच्न सफल भएको छ ।
सन् २०१८ मा प्रदर्शनमा आएको फिल्म ‘केजीएफ’ ले नेपालमा समेत ५१ औं दिन मनाएको थियो । बक्स अफिसमा फिल्मले उत्कृष्ट प्रदर्शन गरेको थियो ।
फिल्ममा शीर्ष भूमिकामा साउथका सुपरस्टार यश छन् । यो फिल्मपछि यशको पनि माग बढिरहेको छ ।
