चीनमा विद्यार्थी बोकेको बस जलाशयमा खस्यो, २१ को मृत्यु
पोखरा
चीनमा विद्यार्थी बोकेको बस जलाशयमा खस्दा २१ को मृत्यु भएको छ भने १६ जना घाइते भएका छन् ।
चीनको ग्वोइझोउ प्रान्तमा परीक्षार्थी बोकेको बस सडकमा अचानक मोडिँदा ५ लेन कटेर पानीमा खसेको थियो । बसमा बसेका यात्रीहरु मध्ये थुप्रै यात्रुहरु प्रवेश परीक्षामा भाग लिन जान लागेको जनाइएको छ । बसमा कति यात्रु थिए भन्ने बारे भने कुनै जानकारी नआएको जनाइएको छ ।
चिनियाँ सञ्चारमाध्यमहरुमा देखिएको तस्वीरमा बसको आधा भाग पानीमा डुबेको अवस्थामा रहेको देखाइएको छ । बस ९० डिग्री घुमेर गार्ड रेल तोडेर जलाशयमा खसेको थियो ।