पोखरा

अजय देवगन स्टारर स्पोर्टस् ड्रामा ‘मैदान’ १३ अगस्तमा रिलिज हुने भएको छ । अजयले ट्वीट गर्दै फिल्म हलमा सन् २०२१ को अगस्तमा रिलिज हुने जानकारी दिए ।

यो फिल्म फुटबलको कथामा आधारित छ । अजयले फिल्ममा कोच सैयद अब्दुल रहिमको भूमिका निभाएका छन् । सैयदलाई भारतमा भारतीय फुटबलका संस्थापक पिता पनि भन्ने गरिन्छ । उनी सन् १९५० देखि १९६३ सम्म भारतीय राष्ट्रिय फुटबल टिमका म्यानेजर थिए ।

फिल्मलाई अमित शर्माले निर्देशन गर्नेछन् । यसअघि उनले ‘बधाई हो’ निर्देशन गरेका थिए । जुन बलिउडमा लोकप्रिय भएको थियो ।