कोरोना प्रभाव: अनमोल र सुहानाको ‘ए मेरो हजुर ४’ छायांकन स्थगित
पोखरा
सुहाना इन्टरटेनमेन्टको ब्यानरमा निर्माण भइरहेको फिल्म ‘ए मेरो हजुर ४’ को छायांकन स्थगित भएको छ । कोरोना भाइरसको संक्रमण फैलिने भयले फिल्मको छायांकन स्थगित गरिएको हो ।
सरकारले नै २५ जनाभन्दा बढी भेला हुन नपाइने भनेपछि फिल्मको छायांकन प्रभावित भएको हो ।
निर्देशक झरना थापाले फिल्मको छायांकन केही दिनका लागि स्थगित गरिएको जानकारी दिइन् ।
‘मानवलाई नै चुनौती बनिरहेको कोभिड १९ बाट बच्न, शतर्कता अपनाउन हामी सबै एकजुट हुनैपर्छ, यसबाट कलाकार प्राविधिकहरुमा पर्न गएको असुविधाप्रति हामी सबै सजग छौं,’ झरनाको भनाइ छ ।
ललितपुरमा छायांकन भइरहेको यो फिल्ममा अनमोल केसी, सुहाना थापा, सलोन बस्नेत लगायतका कलाकारको अभिनय रहनेछ ।
झरना थापाले निर्देशन गरिरहेको यो फिल्मका निर्माता सुनील कुमार थापा हुन् । फिल्म अर्को वर्षको दशैंमा प्रदर्शन गरिने भनिएको छ ।
Khabarhub बाट साभार
