नेपाल कुवेतसँग पराजित, भरपर्दो मानिएका ४ खेलाडी टिममा नहुँदा पनि नेपालको राम्रो प्रदर्शन



पोखरा

कतारमा सन् २०२२ मा आयोजना हुने फिफा विश्वकपको दोस्रो चरण छनोटअन्तर्गत मंगलबार भएको पाँचौँ खेलमा नेपाल कुवेतसँग १–० ले पराजित भएको छ । यसअघि कुवेतसँगको पहिलो खेलमा ७–० गोलले पराजित भएको नेपालका लागि मंगलबार भएको खेलमा राष्ट्रिय टिममा भरपर्दो खेलाडी मानिएका ४ खेलाडी नहुँदा पनि उत्कृष्ट प्रदर्शन गर्न सफल भयो ।  

भूटानको थिम्पुस्थित चाङ्लिमिथाङ रङ्गशालामा भएको खेलमा नेपाल कुवेतसँग १–० गोलले  पराजित भएको हो । खेलको २८ औँ मिनेटमा कुवेतका कप्तान बदर अल अलमोतवाले गोल दुवै तर्फबाट गोल हुन सकेन र अन्त तः अलमोतवाकै गोल निर्णायक बन्न पुग्यो ।

भूटान जाने अघिल्लो रात मुख्य स्ट्राइकर विमल घर्ती मगर, अञ्जन विष्ट, सन्तोष तामाङ र दिनेश राजवंशी ठमेलको नाइट क्लबमा गएको पाइएपछि उनीहरूलाई अखिल नेपाल फुटबल सङ्घ (एन्फा)ले अनुशासन कारवाहीस्वरुप निलम्बन गरेको थियो ।  

विश्वकप छनोटमा यसअघि चार खेल खेलको नेपालले एक खेलमा जित तथा तीन खेलमा पराजय भोगेको थियो ।  यस्तै नेपालले चाइनिज ताइपेईलाई २–० ले गोलले हराएको थियो भने अष्ट्रेलियासँग ५–० गोलले र जोर्डनसँग ३–० गोलले पराजित भएको थियो ।  

कुवेतले भने अष्ट्रेलियालाई ३–०, जोर्डनसँग गोलरहित बराबरी र चाइनिज ताइपेईलाई ९–० गोलले पराजित गरेको थियो । दशरथ रङ्गशाला अन्तर्राष्ट्रिय मापदण्डअनुसार निर्माण हुन नसकेको भन्दै नेपाल र कुवेतले न्युट्रल भेन्युका रुपमा पहिलो होम खेल भूटानमा खेलेको हो ।

मकालु खबर बाट साभार

प्रतिक्रिया दिनुहोस्
Logo
pokharaaaja.com is your news, entertainment, music fashion website. We provide you with the latest breaking news and videos straight from the entertainment industry .

हाम्रोबारे


सम्पादक/सञ्चालक:- पुनम भट्ट भट्टराई

प्रकाशक:- अशेष भट्टराई

प्रेस प्रतिनिधि:- आशिष भट्टराई

सम्पर्क नं. :- ९८५६०४८८९५

सूचना विभागमा दर्ता नं. : १४०३/०७५-७६

सामाजिक संजाल


©2024 Pokharaaaja