तीन बालकको शव अनुसन्धानमा प्रहरीको विशेष टोली
पोखरा
दाङको तुलसीपुरमा भारतीय कारमा भेटिएको तीन बालकको शव अनुसन्धानमा प्रहरीले विशेष टोली खटाएको छ ।
तुलसीपुर उपमहानगरपालिका वडा नं ६ स्याउली बजारमा रोकिराखिएको भारतीय जे ०१६६०८८५ नम्बरको कारमा शनिबार राति तीन बालक मृत फेला परेका थिए ।
नेपालगञ्जबाट कुकुरसहितको विशेष टोली घटनाको अनुसन्धानमा सक्रिय भएको दाङका एसपी गणेश चन्दले जानकारी दिए ।
शव पोष्टमार्टमको लागि अस्पताल पुर्याइएको र त्यसको रिपोर्टका आधारमा थप विषय खुल्ने अपेक्षा राखिएको उनले बताए ।
शवको सनाखत भइसकेको जनाइए पनि प्रहरीले नाम, ठेगाना सार्वजनिक गरेको छैन ।
