पोखरा

रौतहट जिल्लाको दुर्गाभगवती गाउँपालिकास्थित इलाका प्रहरी कार्यालय गंगापिपरालाई कम्प्युटर लगायतका विभिन्न आवश्यक सामग्री हस्तान्तरण गरिएको छ ।

दुर्गा भगवती गाउँपालिकाका अध्यक्ष अरुणकुमार साहले शुक्रबार इलाका प्रहरी कार्यालयका प्रमुख प्रहरी नायव निरीक्षक बिमल खडकालाई उक्त सामग्री हस्तान्तरण गरेका हुन् । कम्प्युटर सेट एक थान, प्रिन्टर एक थान, सेनिटाइजर, मास्क लगायतका सामग्री हस्तान्तरण गरिएको बताइएको छ ।गाउँपालिकाले प्रदान गरेको कम्प्युटर तथा प्रिन्टरले इलाका प्रहरी कार्यालयको कामकारबाहीमा सहजता आउने विश्वास व्यक्त गर्दै अध्यक्ष साहले शान्तिसुरक्षामा अहोरात्र खटिने सुरक्षाकर्मीलाई सबल, सक्षम बनाउन गाउँपालिकाले आवश्यक सहयोग गर्ने बताए ।